DIA DA PAZ

FELIZ DÍA DA PAZ E A NON VIOLENCIA. Que todos os días foran tranquilos, en PAZ e CONCORDIA. Que a utopía se faga real. Depende de todos. Cada un pode poñer o seu pequeno gran de area para logralo. Eu poño o meu. E ti?

A bruxa discordia. 

Para o Día Escolar da Non Violencia e a  Paz, lembramos que Mamá Cabra e Carmen Gil veñen de publicar o libro-disco A bruxa Discordia. Cancións para a paz na coleccción Sonárbore da Editorial Galaxia. As ilustracións son de Iria Fafián.

Baile da paz

Esta é a danza

da esperanza,

danza capaz

de sementar paz.

Ombro con ombro

pódese todo.

Dá un taconazo.

levanta o brazo

e con donaire

dálle ao cú aire.

Colle a orella

da túa parella.

Faille cóxegas.

Ponte en crequenas.

Esta é a danza

da esperanza,

danza capaz

de sementar paz.

Agora dá un brinco,

ou mellor cinco!,

e tres palmadas

con gargalladas.

Logo ao compás

anda cara atrás.

E cara adiante,

coma un xigante.

Pinta un momento

paz no vento.

Grita un segundo:

"paz no mundo"